Yevropa ligasida chorak final bosqichi yakuniga yetib, yarim finalga chiqqan jamoalar nomi aniq bo‘ldi. Bugun yarim finalga qur’a tashlash marosimi bo‘lib o‘tadi. Shu haqda batafsil ma’lumot berib o‘tamiz.

Yarim final ishtirokchilari
"Ayaks" (Gollandiya)
"Lion" (Fransiya)
"Manchester Yunayted" (Angliya)
"Selta" (Ispaniya)

Qur’a qachon va qayerda bo‘ladi?
Qur’a tashlash marosimi UYEFA shtab-kvartirasi joylashgan Shveysariyaning Nyon shahrida bo‘lib o‘tadi. Qur’a Toshkent vaqti bilan 16:00da boshlanadi.

Qur’a tartibi
Qur’ada jamoalar savatchalarga ajratilmaydi. Istalgan klub istalgan jamoaga qarshi to‘qnash kelishi mumkin.

O‘yinlar qachon bo‘ladi
Yarim finalning dastlabki o‘yinlari 4 may, javob bahslari bir haftadan keyin — 11 may kuni o‘tkaziladi. Qur’ada nomi birinchi chiqqan jamoa ilk bahsni o‘z uyida o‘tkazadi.

Final
Yarim finalga qur’a tashlash marosimida final o‘yinidagi nominal mezbon juftlik nomi ham aniqlanadi — 1-yarim final juftlik g‘olibi yoki 2-yarim final juftlik g‘olibi.

Final 24 may kuni Stokgolm shahridagi "Frends Arene" stadionida bo‘lib o‘tadi.