Ispaniya chempionatining 33-turi doirasida bo‘lib o‘tgan "Real" va "Barselona" o‘rtasidagi o‘yinni boshqargan Ernandes Ernandesning ba’zi qarorlari qator muhokamalarga sabab bo‘ldi. Ispaniyaning "MARCA" nashri hakamning 5ta qarorini tahlil qilib chiqdi.

Ramosning chetlatilishi
Bahsning 78-daqiqasida Serxio Ramos maydondan chetlatilganidan keyin «Madrid» maydonda 10 kishi bo‘lib qoldi. Sobiq hakam Xuan Anduxar Oliver ushbu vaziyatga quyidagicha izoh berdi:

«Bu Messiga nisbatan xavfli fol edi. Ramos to‘pni olib qo‘yish maqsadida raqibga nisbatan tik oyoq bilan sakradi. Shubhasiz, bu yerda to‘g‘ridan-to‘g‘ri qizil kartochka edi».

Kazemironing chetlatilmasligi
«Barselona» futbolchilari hakamdan Kazemironi maydondan chetlatishni so‘rashdi.

«O‘yinning 12-daqiqasida futbolchi Messiga qarshi fol uchun dastlabki sariq kartochkani oldi. Bu yaqqol "sariq". 45-daqiqada braziliyalik futbolchi "Barselona" qarshi hujumga o‘tayotganida Messiga nisbatan qoidabuzarlik uchun ikkinchi kartochkani olishi kerak edi. Ernandes Ernandes xatoga yo‘l qo‘ydi, u Kazemironi maydondan chetlatishi kerak edi», – dedi Anduxar Oliver bu vaziyat yuzasidan.

Marseloning chetlatilmagani
Bahsning 20-daqiqasida Messi Marselo bilan to‘qnashuvdan keyin maydonga yotib qoldi.

«Marselo to‘pga sakrash paytida tirsagini yuqoriga ko‘tardi. Ernandes Ernandes braziliyalik futbolchini maydondan chetlatilishi mumkin edi. Ushbu vaziyatdan keyin argentinalik o‘yinchining og‘zidan ancha qon oqdi», – dedi Anduxar Oliver.

Kazemironing goli
Uchrashuvning 28-daqiqasida Kazemiro hisobni ochdi. Anduxar Oliverning fikricha, Marseloning uzatmasidan keyin Ramos zarba berayotganida ofsaydda emas edi. Shu bois, gol haqli ravishda inobatga olindi.

Ronalduga nisbatan qoidabuzarlik uchun belgilanganman penalti
Ikkinchi daqiqadayoq Umtiti oyog‘i bilan jarima maydonchasi ichida Krishtianuning oyog‘iga tegdi. Ushbu vaziyatda hakam to‘g‘ri qaror qabul qildi. Boisi, penalti belgilash uchun yetarli kontakt bo‘lmadi.