"Barselona" bosh murabbiyi Luis Enrike Ispaniya chempionatining 35-turida "Espanyol" ustidan qozonilgan g‘alabadan so‘ng (3:0) fikrlarini bildirdi.
"Birinchi bo‘limda ko‘rimsiz o‘yin ko‘rsatgan bo‘lsakda, "Espanyol"ni qiynab qo‘ydik. Biz yuqori tezlikda o‘ynashimiz kerakligini bilardik, chunki, raqib odatiy tarkibi bilan o‘ynadi, bizda esa ko‘p o‘yinchilar o‘tgan turda dm olishgan edi. Ikkinchi bo‘limda "Espanyol" bunday tempga dosh bera olmadi va xato qila boshladi.
Oldimizdan aniq vazifalar turibdi - primera va Kubok va biz buning uchun bor kuchimizni ishga solamiz. Biz bunga munosibmiz.
Suaresning golsiz seriyasi meni tashvishga solmagan edi, chunki u bizga gol urgandan ko‘ra foydaliroq bo‘layotgan edi. Albatta, hujumchi uchun gol muhim. Yanada muhimrog‘i, gollar va Suares - sinonimlardir.
Derbi faol o‘tdi haqiqiy futbol ko‘rdik", - deydi Enrike.
