Braziliya nashrlari yangi xabar tarqatishdi, unga ko‘ra Neymar do‘stlariga “PSJ”ga o‘tmoqchi ekanligini ma’lum qilgan, shunga ko‘ra ayni damda Neymarning ketishi 50 ga 50 sifatida baholanmoqda.

“Barselona” bu borada “PSJ” bilan muzokara o‘tkazmoqchi emas, chunki fransuz klubi Neymar uchun belgilangan 222 million yevroni to‘lashga tayyor.

Neymar “Barselona”dan ketishi mumkin, chunki buning uchta sababi bor.

Birinchidan, “PSJ” unga “Barselona”nikidan ikki barobar ko‘p maosh taklif qilyapti.

Ikkinchidan, Neymar “Barselona”ga Paulinyova Koutinyo kelishini istagandi, lekin rahbariyat uning bu xohishini inobatga olmadi.

Uchinchidan, Neymar toki Messi bilan bir jamoada o‘ynar ekan, “Oltin to‘p”ga umid qilmasa ham bo‘ladi. U Messining soyasida qolib ketmoqda.