Ayni vaqtda "Verona" sharafini himoya qilayotgan Madridning "Atletiko" klubi sobiq hujumchisi Alessio Cherchi madridliklar safiga o‘tganidan afsusda ekanini bildirdi.
"Bu ish boshidan yomon boshlangan edi. Men Madridga 1 sentyabrda keldim va mavsumga tayyor emasdim. Ko‘p narsalardan o‘tishga to‘g‘ri keldi, ammo endi turli gaplar bilan provokasiya chiqarmoqchi emasman. Faqat shuni aytishim mumkin, agar vaqtni ortga qaytarish imkoni bo‘lganida, "Atletiko"ga o‘tmagan bo‘lardim.
Chunki juda ko‘p narsalar yo‘qotdim. "Torino" muxlislari meni juda yaxshi ko‘rishardi va ularning sevgisini yo‘qotdim. Ular men xatoga yo‘l qo‘yganimni gapirishdi.
Aslida esa shunchaki oldinga bir qadam tashlamoqchi bo‘lgan edim", - deydi Cherchi.
