“Barselona” hujumchisi Neymarning “PSJ”ga transferi Ispaniya professional futbol ligasining qat’iy pozisiyasi sababli amalga oshmasligi mumkin. Bu haqda liga rahbari Xavyer Tebas va “Barsa”dagi manbaga iqtibos keltirgan holda Sport.es xabar bermoqda.

Liga rahbariyati Neymar otasining klub bilan o‘zaro tortishuvi sababli braziliyalikning shartnomasidagi bir bandni faollashtirish imkoniyatini bloklashga qaror qilgan. Bu band unga boshqa klubga 222 mln yevro miqdoridagi badal pulini to‘lagan jamoaga o‘tish imkonini beradi. Neymar otasi 2016 yil yozda amalga oshirilgan, futbolchi shartnomasini 2021 yil yozigacha uzaytirish kelishuviga ko‘ra, “Barsa”dan 26 mln yevro gonorar olishi kerak edi. Biroq katalon klubida futbolchi shartnomaning oxirigacha klubda o‘ynamasa, uning otasiga berilishi kerak bo‘lgan butun summani to‘lashni istashmayapti. Agar futbolchi qolsa, unda barcha pullar uning otasi hisob raqamiga o‘tkaziladi, aksincha esa tomonlar sudlashishiga to‘g‘ri keladi. La liga rahbariyati transferni tasdiqlashdan avval har ikkala tomondan moliyaviy qoidalar buzilmaganini isbotlovchi hujjatlarni talab qiladi.

Bundan tashqari, Tebas “PSJ” moliyaviy feyr-pley qoidasini buzmay, Neymar uchun 222 mln yevro to‘lay olishini tushunmayapti. Ayni vaqtda futbolchi transferi muzlatib qo‘yilgan.