Britaniyalik paralimpiadachilar kuchsizroq raqiblar bilan bellashish uchun oyoq va qo‘llarini kestirgani ma’lum bo‘ldi.

VVS jurnalistlari xabariga ko‘ra, Britaniya sportchilarining ba’zilari qo‘l va oyoqsiz raqiblar bilan bellashish maqsadida, jarrohlik amaliyotini o‘tab, firibgarlik qilgan. Natijada, ular yengilroq raqiblar bilan bellashib, katta ustunlikka ega bo‘lgan.

Buyuk Britaniya paralimpiya terma jamoasining bir necha a’zosi bunday qalloblikka chidamay, terma jamoa safida ishtirok etishdan ochiqchasiga bosh tortgan. Xususan, London-2012 paralimpiadasi kumush medali sovrindori, yengil atletikachi Betani Vudvord nohaq yo‘l bilan qo‘lga kiritilgan sovrin unga kerak emasligini aytib, Rio-2016 da ishtirok etishdan bosh tortgan. Nogironlik aravachasida ishtirok etuvchi Liz Makternan esa qallob "nogiron"larni doping iste’mol qiluvchilar bilan tenglashtirgan.

BBC jurnalistlari bu borada o‘tkazilgan surishtiruv ishlarida qo‘lga kiritilgan barcha ma’lumotlarni Xalqaro paralimpiya qo‘mitasiga yetkazgan.