Zamonaviy futbolni xalqaro brend maqomiga ega sport kiyimlari tayyorlaydigan kompaniyalarsiz tasavvur etish qiyin.
Zero hozirgi paytga kelib bunday firmalar jahon sportida yuksak nufuzga ega sanaladi. Xo‘sh, O‘zbekiston chempionatida ishtirok etuvchi jamoalar qaysi kompaniya liboslaridan foydalanishmoqda?
Qaysi brend mamlakatimizda ko‘proq ommaviy sanaladi? Quyida shu haqda hikoya qilamiz. Ta’kidlash joizki, oliy liga ishtirokchilari orasida eng ommabop va keng tarqalgan brend - Joma sanaladi.
Ushbu ispan firmasi mahsulotlaridan milliy birinchiligimizda 7ta jamoa foydalanib kelmoqda. Keyingi o‘rinni esa nemis kompaniyasi - Adidas egallab turibdi.
Hozirda 4ta jamoa aynan shu firma ekipirovkalari bilan ta’minlangan. Shuningdek, Patrick hamda Nike liboslaridan mos ravishda 2tadan jamoa foydalanadi.
Germaniyaning yana bir vakili - Jako bilan esa faqat bitta jamoa hamkorlik qilib kelmoqda.
JOMA
Firma liboslaridan foydalanadigan jamoalar: O‘zbekiston milliy termasi, «Neftchi», «Navbahor», «Lokomotiv», «So‘g‘diyona», «Olmaliq», «Sho‘rtan», «Metallurg».
Ayni payt o‘zbek jamoalarining aksariyati Ispaniyaning Joma firmasi liboslaridan foydalanadi. Ushbu kompaniyaning yurtimizga kirib kelishida O‘zbekiston futzal terma jamoasi sobiq ustozi Xose Mariya Mendezning xizmatlari beqiyosdir. Aynan ushbu mutaxassisning sa’y-harakatlari tufayli 2012 yildan Joma mamlakatimizdagi faoliyatini boshlagandi.
Dastlab ushbu firma liboslaridan oliy liga jamoalari orasida Farg‘onaning «Neftchi» jamoasi foydalandi. Keyin esa qolganlar ham Joma ekipirovkalari bilan «kiyintirildi».
Mazkur kompaniya mahsulotlari yurtimizda juda tez ommalashdi va 2014 yilgi mavsumda oliy liganing naq 12ta jamoasi Joma bilan hamkorlikni yo‘lga qo‘ydi.
Bunda ayniqsa, ushbu firmaning yurtimizda rasmiy vakillik idorasi hamda do‘konini ochgani katta ahamiyat kasb etdi, desak xato bo‘lmaydi.
Joriy yilda 7ta klub Joma liboslaridan foydalanmoqda. Qolaversa, O‘zbekiston milliy terma jamoasi ham maydonga aynan Joma ekipirovkalarida chiqayotgani diqqatga sazovor.
ADIDAS
Firma liboslaridan foydalanadigan jamoalar: «Buxoro», «Qizilqum», «Nasaf», «Paxtakor».
Dunyoga mashhur brend sanaladigan Adidas bilan yurtimizda odatda «Paxtakor» hamda «Nasaf» jamoalari hamkorlik qilib kelardilar. «Sherlar» va «ajdarlar» uzoq yillardan buyon nemis ishlab chiqaruvchisi tayyorlagan ekipirovkalarni kiyishadi. Ushbu mavsumdan boshlab «Buxoro» hamda «Qizilqum» ham texnik hamkor sifatida aynan Adidas firmasini ma’qul ko‘rishdi. Avvalgi mavsumlarda buxoroliklar ham, navoiyliklar ham Joma liboslarida maydonga chiqishardi. Bu yildan ikkala klub ham Joma bilan hamkorlikni to‘xtatib, Adidas formalarini kiyadigan bo‘lishdi.
PATRICK
Firma liboslaridan foydalanadigan jamoalar: «Dinamo», «Mash’al».
O‘zbek klublari bilan texnik jihatdan hamkorlik qiluvchi kompaniyalardan yana biri Belgiyaning Patrick firmasi hisoblanadi. Jahon bozoriga sekin-asta chiqib borayotgan ushbu brend yurtimizga «Mash’al» jamoasi orqali kirib kelgandi. 2015 yilda «gazchilar» bilan shartnoma imzolagan Patrick firmasi vakillari kelasi yili ham «Mash’al» uchun o‘z mahsulotlarini yetkazib berishlari ko‘zda tutilgan. Joriy mavsumdan boshlab Samarqandning «Dinamo» klubi ham Patrick formalariga buyurtma berdi. O‘tgan yili Nike liboslaridan foydalangan samarqandliklar endilikda maydonga Patrick ramzi tushirilgan liboslarda chiqishmoqda.
NIKE
