JCH-2018 uchun Yevropa qit’asiga 13ta yo‘llanma ajratilganidan xabaringiz bor. 9ta guruh g‘oliblari to‘g‘ridan-to‘g‘ri Rossiya-2018ga yo‘l olsa, 2-o‘rinni egallagan jamoalar pley-off orqali Mundial yo‘llanmasini qo‘lga kiritishga harakat qilib ko‘rishadi.
Guruhlarda 2-o‘rinni egallagan 9ta terma orasida eng yomon ko‘rsatkichga ega bo‘lgan bitta jamoa pley-off bosqichiga chiqishdan mahrum bo‘ladi. Yevropada hali 3ta guruhda so‘nggi tur o‘yinlari o‘tkazilmagan bo‘lsa-da, «ikkinchilar» orasida omadsiz terma jamoaning nomi aniq bo‘ldi. Bu — Slovakiya.
Ikkinchi o‘rinni egallagan reytingi tuzilayotganda ularning guruhda so‘nggi o‘rinni band etgan jamoa bilan o‘zaro o‘yinlari natijasi chiqarib tashlanadi. Natijada Slovakiya 8ta o‘yinda eng kam — 12 ochko jamg‘argani aniq bo‘ldi.
Shu tariqa, JCH-2018 yo‘llanmasi uchun pley-off bosqichida o‘z ishtirokini davom ettiradigan 5ta jamoaning nomi hozirdan ma’lum. Ular — Shimoliy Irlandiya, Daniya, Italiya, Irlandiya va Xorvatiya. Pley-offga chiqadigan yana 2ta jamoaning nomi bugun bo‘ladigan o‘yinlardan keyin aniqlanadi. Bu o‘rinni "A" guruhidan Fransiya, Shvesiya yoki Gollandiya yoki "B" guruhidan Shveysariya yoki Portugaliya, "N" guruhida Gresiya yoki Bosniya va Gersegovina egallashi mumkin.
Pley-off bahslari 9-11 hamda 12-14 noyabr kunlari bo‘lib o‘tadi.
