Mavsum boshlanganidan beri samarasiz bo‘lib kelayotgan Luis Suares Ernesto Valverdening qo‘llayotgan o‘yin sxemasidan aziyat chekayotgan ko‘rinadi. Goal nashri urugvaylik hujumchining omadsiz o‘yini sabablarini tahlil qildi.
Bir necha kun oldin Suares klubdagi yubileyini nishonladi. 2014-yilda kelib qo‘shilgan goleador “Barsa”ning hujumiga intuisiya, kuch olib kelgan edi. Ayniqsa, gollar olib keldi. Juda ko‘plab. 158-matchini o‘tkazgan uchinchi mavsumida Suares 124 gol va 73 golli uzatmaga ega edi. Ammo bu mavsum boshidan beri, buloq qurib qoldi.
La Ligada atiga 3 gol, qit’a musobaqasida uch o‘yinda birortayam gol ura olmagan Suares Messidan ortda qolmoqda. Bu tabiiy hol. Ammo u raqib darvozabonlarini ortiq qo‘rqita olmayapti, kamiga Paulinyo barchani ajablantirgan holda undan ancha samaradorroq bo‘lmoqda. Matbuot anjumanlarida ming martalab bu savolga javob berayotgan Valverde hujumchisini maqtashdan charchamapti: “Muhimi Suares vaziyatlar yaratmoqda, chunki bu Suares haliyam kerakli paytda, kerakli joyda bo‘layotganini ko‘rsatadi.”
Uning o‘yiniga ta’sir qilayotgan muammo klub lazaretidan terma jamoagacha borib yetgan. Barchaga ma’lumki, Urugvay terma jamoasi mutasaddilari Suares noyabr oyida bo‘lib o‘tadigan o‘rtoqlik uchrashuvlarini o‘tkazib yuborishi haqidagi bayonotni ma’lum qilgan. U Polshaga va Avstriyaga qarshi bahslarni o‘tkazib yuboradi. “Barselona” shtabi esa hujumchi Ispaniya Superkubogidan beri tizzasidan olgan jarohatini tiklayotganini aytmoqda. Urugvayliklar esa ...
