Мавсум бошланганидан бери самарасиз бўлиб келаётган Луис Суарес Эрнесто Валверденинг қўллаётган ўйин схемасидан азият чекаётган кўринади. Goal нашри уругвайлик ҳужумчининг омадсиз ўйини сабабларини таҳлил қилди.
Бир неча кун олдин Суарес клубдаги юбилейини нишонлади. 2014-йилда келиб қўшилган голеадор “Барса”нинг ҳужумига интуиция, куч олиб келган эди. Айниқса, голлар олиб келди. Жуда кўплаб. 158-матчини ўтказган учинчи мавсумида Суарес 124 гол ва 73 голли узатмага эга эди. Аммо бу мавсум бошидан бери, булоқ қуриб қолди.
Ла Лигада атига 3 гол, қитъа мусобақасида уч ўйинда бирортаям гол ура олмаган Суарес Мессидан ортда қолмоқда. Бу табиий ҳол. Аммо у рақиб дарвозабонларини ортиқ қўрқита олмаяпти, камига Паулиньо барчани ажаблантирган ҳолда ундан анча самарадорроқ бўлмоқда. Матбуот анжуманларида минг марталаб бу саволга жавоб бераётган Валверде ҳужумчисини мақташдан чарчамапти: “Муҳими Суарес вазиятлар яратмоқда, чунки бу Суарес ҳалиям керакли пайтда, керакли жойда бўлаётганини кўрсатади.”
Унинг ўйинига таъсир қилаётган муаммо клуб лазаретидан терма жамоагача бориб етган. Барчага маълумки, Уругвай терма жамоаси мутасаддилари Суарес ноябрь ойида бўлиб ўтадиган ўртоқлик учрашувларини ўтказиб юбориши ҳақидаги баёнотни маълум қилган. У Польшага ва Австрияга қарши баҳсларни ўтказиб юборади. “Барселона” штаби эса ҳужумчи Испания Суперкубогидан бери тиззасидан олган жароҳатини тиклаётганини айтмоқда. Уругвайликлар эса ...
