Ispaniya La ligasining 11-turi doirasida "Barselona" o‘z maydonida "Sevilya"ni qabul qildi va qiyin g‘alabani qo‘lga kiritdi.

Birinchi bo‘limda ustunlik to‘laligicha "Kamp Nou" egalari tomonida bo‘ldi. Bahsning 23-daqiqasida olis masofadan yetkazilgan uzatmani mehmonlar himoyachisi o‘z darvozasiga yetkazishda xatoga yo‘l qo‘ydi. To‘pni Pako Alkaser egallab olib, birga-bir vaziyatda "Sevilya" posbonini dog‘da qoldirdi.

Ikkinchi bo‘lim boshida andalusiyalik faollikni oshirishdi va buning uchun mukofotlanishdi. Burchakdan yetkazilgan Pisarro bosh bilan darvozaga joylab qo‘ydi. Oradan ko‘p o‘tmasdan Valverde shogirdlari yana hisobda oldinga chiqib olishga muvaffaq bo‘lishdi. Rakitich qanotdan yetkazib bergan uzatmani yana o‘sha Alkaser darvozaga to‘g‘rilab qo‘ydi.

Dublni rasmiylashtirgan Pako shu zahoti zaxiraga olindi. O‘yin esa 2:1 hisobi bilan yakunlandi.

"Barselona" o‘z ochkolarini 31taga yetkazib, peshqadamlik qilishda davom etadigan bo‘ldi.

Ispaniya La ligasi, 11-tur
Barselona – Sevilya 2:1 (1:0, 1:1)
Gollar: 1:0 – 23 Pako Alkaser, 1:1 – 59 Pisarro, 2:1 – 65 Pako Alkaser.
Barselona – ter Stegen, Pike, Alba, Nelson Semedu, Umtiti, Rakitich (Maskerano, 90), Buskets, Inyesta (Paulinyo, 60), Pako Alkaser (Deulofeu, 66), Messi, Suares.
Sevilya – Soriya, Kyer (Gays, 73), Eskudero, Korshya, Langle, Pisarro, Nzonzi, Navas, Banega, Sarabiya (Nolito, 62), Muriel (Ben-Yedder, 76).
Ogohlantirish: Messi (90).