Argentina katta qiyinchilik bilan JCH-2018 yo‘llanmasini qo‘lga kiritdi. Shunday bo‘lsa-da, Lionel Messi jamoasining mundialdagi imkoniyatlari mutaxassislar tomonidan yuqori baholanmoqda.
«Barselona» hujumchisi esa Argentina guruh bosqichida top-jamoalarga duch kelmasa, yaxshiroq bo‘lishini tushunib turibdi. Ayniqsa, bir terma jamoani u alohida ajratib ko‘rsatdi.
«Biz bilan ro‘y berishi mumkin bo‘lgan eng yomon voqea - Ispaniya terma jamoasiga guruh bosqichida duch kelish. Men bunday raqib bilan to‘qnashmaslikni xohlardim. Argentina uchun bu juda og‘ir o‘yin bo‘lardi», — deb Messi so‘zlarini keltirmoqda Tyc Sports.