Аргентина катта қийинчилик билан ЖЧ-2018 йўлланмасини қўлга киритди. Шундай бўлса-да, Лионель Месси жамоасининг мундиалдаги имкониятлари мутахассислар томонидан юқори баҳоланмоқда.
«Барселона» ҳужумчиси эса Аргентина гуруҳ босқичида топ-жамоаларга дуч келмаса, яхшироқ бўлишини тушуниб турибди. Айниқса, бир терма жамоани у алоҳида ажратиб кўрсатди.
«Биз билан рўй бериши мумкин бўлган энг ёмон воқеа - Испания терма жамоасига гуруҳ босқичида дуч келиш. Мен бундай рақиб билан тўқнашмасликни хоҳлардим. Аргентина учун бу жуда оғир ўйин бўларди», — деб Месси сўзларини келтирмоқда Tyc Sports.
