Italiyalik afsona Alessandro DelPyero Moskvaga Argentina terma jamoasi joylashgan mehmonxonaga keldi va futbolchilar bilan uchrashmoqchi bo‘ldi. Biroq mehmonxona qo‘riqchilari DelPyeroni tanishmadi. Aksiga olib, ular ingliz tilini bilishmas va tushunishmasdi. Shu bois sobiq futbolchining nima deyayotganini ham anglashmadi. Jurnalistlar uning sobiq futbolchi DelPyero ekanligini, u chindan ham Messi bilan tanish ekanligini aytganlarida ham vaziyat o‘zgarmadi.

Faqatgina Argentina murabbiylar shtabi vakillaridan biri kelib qo‘riqchilarga vaziyatni tushuntirganidan keyingina DelPyeroni o‘tkazib yuborishdi.