Италиялик афсона Алессандро ДельПьеро Москвага Аргентина терма жамоаси жойлашган меҳмонхонага келди ва футболчилар билан учрашмоқчи бўлди. Бироқ меҳмонхона қўриқчилари ДельПьерони танишмади. Аксига олиб, улар инглиз тилини билишмас ва тушунишмасди. Шу боис собиқ футболчининг нима деяётганини ҳам англашмади. Журналистлар унинг собиқ футболчи ДельПьеро эканлигини, у чиндан ҳам Месси билан таниш эканлигини айтганларида ҳам вазият ўзгармади.

Фақатгина Аргентина мураббийлар штаби вакилларидан бири келиб қўриқчиларга вазиятни тушунтирганидан кейингина ДельПьерони ўтказиб юборишди.