“Ayntraxt” a’zosi Kevin-Prins Boatengning aytishicha, ismi o‘ziga umuman yoqmaskan, chunki, aslida ismi boshqacha bo‘lishi kerak ekan.
“Futbolkamga “Prins” deb yozdirganman, chunki ismim menga umuman yoqmaydi. Aslida, ismim Kelvin edi, Kelvin-Prins Boateng degan ajoyib ism-sharifga ega edim. Hech kim mening ismim tug‘ilganimda yo‘l qo‘yilgan xato tufayli Kevinga aylanib qolganini bilmaydi. Onam ham bu xatoni sezmagan, chunki u meni dunyoga keltirganidan keyin bir qancha operatsiyalarni boshidan o‘tkazgandi. Shundan so‘ng Kelvin emas, Kevin bo‘lib qoldim”, dedi futbolchi.
