“Айнтрахт” аъзоси Кевин-Принс Боатенгнинг айтишича, исми ўзига умуман ёқмаскан, чунки, аслида исми бошқача бўлиши керак экан.
“Футболкамга “Принс” деб ёздирганман, чунки исмим менга умуман ёқмайди. Аслида, исмим Келвин эди, Келвин-Принс Боатенг деган ажойиб исм-шарифга эга эдим. Ҳеч ким менинг исмим туғилганимда йўл қўйилган хато туфайли Кевинга айланиб қолганини билмайди. Онам ҳам бу хатони сезмаган, чунки у мени дунёга келтирганидан кейин бир қанча оператсияларни бошидан ўтказганди. Шундан сўнг Келвин эмас, Кевин бўлиб қолдим”, деди футболчи.
