Bugun, 14 noyabr kuni futbol bo‘yicha kelasi yil Rossiyada o‘tadigan jahon chempionati musobaqasining o‘tish bosqichidan o‘rin olgan Italiya hamda Shvesiya terma jamoalari o‘rtasidagi uchrashuv bo‘lib o‘tdi.
Avval, xabar berganimizdek Shvesiya terma jamoasi dastlabki o‘yin (1:0) natijasiga ko‘ra, Rossiya mundialiga yo‘llanmani qo‘lga kiritdi va tirik afsona, 39 yoshli Janluijji Buffonning ko‘zidan yosh chiqishiga sababchi bo‘ldi.
Italiya terma jamoasi 1958 yildan beri ilk marta nufuzli musobaqadan chetda qolib ketdi. Jamoa 59 yil deganda bosh murabbiy Jampyero Ventura qo‘l ostida jahon chempionatiga rasman bormaydi.
O‘yindan so‘ng, ko‘z yoshlarini to‘xtata olishga jur’ati yetmagan Janluijji Buffon bu o‘yin terma jamoadagi eng so‘ngggisi bo‘lgani va xalqaro faoliyatini yakunlaganini aytib o‘tdi.
“O‘zimdan emas, butun Italiya xalqidan kechirim so‘ramoqchiman. Biz o‘z oldimizga qo‘yilgan katta vazifani bajara olmadik. Bugungi natijadan juda ham xafaman.
Italiya ishtirokidagi film ssenariysi bu kabi ayanchli tarzda yakunlanadi, deb o‘ylamagandim, so‘nggi daqiqalarga qadar ishongandim.
O‘tish o‘yinlari doim qiyin kechgan, bu kabi o‘yinlarga alohida tayyorgarik qilishimiz kerak edi. Tan olaman, bugun Italiya eng yaxshi o‘yinini ko‘rsata olmadi.
O‘yin davomida yaratilgan har bir epizod muhim ahamiyatga ega hisoblanardi. Lekin gol urish bobida jamoadoshlarimga omad yetishmadi.
Biz italiyaliklar mag‘rurmiz va o‘zimizga yarasha kuchlimiz, shuning barobarida o‘jarmiz. Muvaffaqiyatsizlikdan so‘ng o‘zimizga qanday kelishni yaxshi bilamiz.
Afsuski, DAVOMI
