Dortmundning «Borussiya» klubi hujumchisi Pyer-Emerik Obameyang nega «Shtutgart»ga qarshi o‘yin qaydnomasiga kiritilmaganiga tushunmayotganini aytdi.
«O‘tgan mavsumda klub to‘g‘ri ish tutgandi, chunki jamoa qoidalarini buzgan holda mashg‘ulotlarga kech qolgan va bir marta Milanga ruxsatsiz ketib qolgandim.
Ammo hozir bunday vaziyat sodir bo‘lgani yo‘q. Kech qolishni istamagandim. Rahbariyatning qarorini tushunmadim» — deydi Obameyyang.
Gabonlik futbolchi jamoa mashg‘ulotlariga 14:20da yetib kelgan, biroq u 14:00ga belgilangan edi. Obameyyang mashg‘ulot 14:30da boshlanadi deb o‘ylagan.
