Дортмунднинг «Боруссия» клуби ҳужумчиси Пьер-Эмерик Обамеянг нега «Штутгарт»га қарши ўйин қайдномасига киритилмаганига тушунмаётганини айтди.
«Ўтган мавсумда клуб тўғри иш тутганди, чунки жамоа қоидаларини бузган ҳолда машғулотларга кеч қолган ва бир марта Миланга рухсатсиз кетиб қолгандим.
Аммо ҳозир бундай вазият содир бўлгани йўқ. Кеч қолишни истамагандим. Раҳбариятнинг қарорини тушунмадим» — дейди Обамейянг.
Габонлик футболчи жамоа машғулотларига 14:20да етиб келган, бироқ у 14:00га белгиланган эди. Обамейянг машғулот 14:30да бошланади деб ўйлаган.
