«Manchester Siti» klubi sobiq hujumchisi Emmanuel Adebayor «shaharliklar» sobiq ustozi Roberto Manchinini tanqid ostiga oldi.

«Manchini jamoa ichki muhitini nazorat ostiga ololmagan. U 25 ta futbolchining jaxlini chiqarar edi. Manchini kuchli futbolchi bo‘lgan, ammo u kuchli murabbiy emas.

Har bir kelgan jamoasida 40 ta o‘yinchi sotib olardi. Mourinyu «Inter»da uning o‘rinini egallaganda jamoa tasarrufida 40 ta futbolchi bor edi.

U birdaniga beshta jahon darajasidagi hujumchi: Jeko, Balotelli, Teves va Aguerolarni sotib oldi. Agar menga ketishim kerakligini aytganida, men shunday qilardim, ammo jamoaga kerakligimni aytishdi, ertasi kuni esa zayavkaga kiritilmadim.

U hammasi joyida ekanligini, shunchaki jamoa «MYU»ga qarshi boshqacha uslubda o‘ynashini aytdi.

Futbolchilar o‘zaro suxbatlashar edilar, biroq hech kim uning uchun o‘ynagisi kelmasdi», — deydi Adebayor.