«Манчестер Сити» клуби собиқ ҳужумчиси Эммануэль Адебайор «шаҳарликлар» собиқ устози Роберто Манчинини танқид остига олди.

«Манчини жамоа ички муҳитини назорат остига ололмаган. У 25 та футболчининг жахлини чиқарар эди. Манчини кучли футболчи бўлган, аммо у кучли мураббий эмас.

Ҳар бир келган жамоасида 40 та ўйинчи сотиб оларди. Моуринью «Интер»да унинг ўринини эгаллаганда жамоа тасарруфида 40 та футболчи бор эди.

У бирданига бешта жаҳон даражасидаги ҳужумчи: Жеко, Балотелли, Тевес ва Агуэроларни сотиб олди. Агар менга кетишим кераклигини айтганида, мен шундай қилардим, аммо жамоага кераклигимни айтишди, эртаси куни эса заявкага киритилмадим.

У ҳаммаси жойида эканлигини, шунчаки жамоа «МЮ»га қарши бошқача услубда ўйнашини айтди.

Футболчилар ўзаро сухбатлашар эдилар, бироқ ҳеч ким унинг учун ўйнагиси келмасди», — дейди Адебайор.