Jahonga mashhur Transfermarkt.de portali o‘zbek jamoalari futbolchilarining yangilangan transfer narxlarini ma’lum qildi.
Unga ko‘ra, ayni damda O‘zbekistonnning eng qimmat jamoasi nomini – “Paxtakor” qo‘lga kiritdi.
Portal ushbu jamoani 11,90 million yevroga baholadi.
Shuningdek, ushbu saytda Yegor Krimesning “Beyjing Guan”dan “Paxtakor”ga qaytgani haqida ma’lumot ham berilgan.
Jamoaning eng qimmat futbolchilari deb Marko Simich va Igor Sergeevlar keltirilgan – 1 million 800 ming yevro.
Ularning eng yaqin ta’qibchisi – Gidi Kanyuk esa 700 ming yevroga baholangan.
Eslatib o‘tamiz, isroillik futbolchini “Paxtakor” 600 ming yevroga transfer qilgandi.
2-o‘rinda esa “Lokomotiv” qayd etilgan. “Temiryo‘lchilar” 11,48 million yevroga narxlandi.
Quyidagi jadval orqali batafsilroq ma’lumot olishingiz mumkin:
| Jamoa nomi | Narxi | Eng qimmat futbolchi | Narxi |
| “Paxtakor” | 11,90 million yevro | Marko Simich, Igor Sergeev | 1,8 million yevro |
| “Lokomotiv” | 11,90 million yevro | Marat Bikmayev | 1,2 million yevro |
| “Nasaf” | 7,88 million yevro | Dragan Cheran | 1 million yevro |
| “Bunyodkor” | 6,75 million yevro | Doston Hamdamov | 1 million yevro |
| “Buxoro” | 5,5 million yevro | Vladimir Bayenko | 600 ming yevro |
| “Qo‘qon-1912” | 4,48 million yevro | Aleksandr Merzlyakov | 450 ming yevro |
| “Olmaliq” | 4,48 million yevro | Vladimir Kosminin | 350 ming yevro |
| “Mash’al” | 4,20 million yevro | Shahzod Shaymonov, Abdulloh Olimov | 275 ming yevro |
| “Navbahor” | 3,80 million yevro | Aziz Turg‘unboyev | 300 ming yevro |
| “Qizilqum” | 3,38 million yevro | Erkin Boydullayev, Otabek Zokirov | 250 ming yevro |
| “Metallurg” | 3,33 million yevro | Murod Toshmatov, Zohid Abdullayev | 300 ming yevro |
| “Neftchi” | 3,10 million yevro | Bobur Yo‘ldoshev, Jasur Hasanov | 200 ming yevro |
| “So‘g‘diyona” | 3 million yevro | Ihtiyor Toshpo‘latov | 200 ming yevro |
| “Dinamo” | 2,98 million yevro | Adnan Oraxovas | 325 ming yevro |
| “Sho‘rtan” | 2,48 million yevro | Igor Taran | 175 ming yevro |
Demak, o‘zbek klublarining umumiy narxi 79,60 million yevroga teng bo‘ldi.
Ma’lumot o‘rnida, ushbu mavsumda “Lokomotiv” jamoasi O‘zbekiston chempionati va kubogida g‘alabaga erishib, ketma-ket ikkinchi marta “Oltin dubl”ni qayd etgani haqida xabar bergandik.
“Nasaf” jamoasi 2-o‘rinni qo‘lga kiritgan bo‘lsa, “Paxtakor” bronza medallarga erishdi.
Akmalxon Eshonxonov
