“Al-Sadd” yarim himoyachisi Xavi “Bavariya” a’zosi Frank Riberini Qatarga chorlamoqda.

“Agar Riberi Qatarga ko‘chib o‘tsa, bu mazkur mamlakatda yashovchi har bitta fuqaro uchun juda ajoyib yangilik bo‘ladi. Bu yerda hayot darajasi juda yuqori. Qatar — oilang bilan yashash uchun ajoyib mamlakat. Masalan, mening qizim Asia Qatarda tug‘ilgan va men bundan baxtliman. Bu yerda hamma sharoit bor.

To‘g‘ri, Qatarda futbol Yevropadagidek rivojlanmagan, biroq, Riberi faoliyatini Qatarda, masalan, “Al-Sadd”da davom ettirsa, juda yaxshi bo‘lardi. Riberi — dunyoning oxirgi to‘qqiz yillikdagi eng yaxshi futbolchilaridan biri”, dedi Xavi.