Myunxening “Bavariya” klubi yarim himoyachisi Xames Rodriges YECHLda bo‘lib o‘tadigan “Real” va PSJ uchrashuvi haqida o‘z fikrlarini bildirib o‘tdi.

“Real” hozircha omadsiz seriyani boshdan kechiryapti, lekin mavsum hali uzun. Ishonaman, hali xammasi yaxshi bo‘lib ketadi. Menimcha, “Real” PSJni YECHLdan chiqarib yuboradi.

To‘g‘ri parijliklar bilan o‘ynash qiyin bo‘lishi mumkin. Ammo “Real” YECHLda yanada xavfliroq bo‘lishini inobatga olish lozim.

YECHL finalida “Real” va “Bavariya” to‘qnash kelishini juda xohlardim”, - deydi Xames.

Eslatib o‘tamiz, Rodrigez “Bavariya”da ijara asosida o‘ynamoqda.

Ma’lumot uchun, “Real” - PSJ o‘yini 14 fevral kuni bo‘lib o‘tadi. Javob uchrashuvi esa Parijda 6 mart kuni o‘tkaziladi.