Turli ijtimoiy tarmoqlarda, internet sahifalarida Xitoyda sovuq va qorli ob-havo sharoitida o‘tkazilgan Osiyo chempionati final uchrashuvi va unda O‘zbekiston yoshlar terma jamoasining qayd etgan natijasiga ko‘plab xorijlik muxlisu mutaxassislar, futbolning ashaddiy ishqibozlari qizg‘in muhokama qilib, o‘z fikr-mulohazalarini qoldirmoqda.
Jumladan, Youtube kanaliga joylashtirilgan (https://www.youtube.com/watch?v=15wU3rmgJU4) videoga yo‘llangan qator fikrlar buning dalilidir.
Ularning ba’zilarini sizlarga ham ilindik.
money wave:
"O‘zbekiston buyuk terma jamoa, Vyetnam ham ajoyib, ular katta tarix yaratdi, ikki terma jamoaga ham cheksiz hurmatimizni izhor etamiz, ajoyib o‘yin uchun katta rahmat! Janubiy Koreyadan"
Rd Zhang:
"Uchrashuvda O‘zbekiston terma jamoasi ustunlik qildi. Vyetnamliklar xafa bo‘lmasa ham bo‘ladi. Ularning finalgacha yetib borgani ham katta muvaffaqiyat"
Fajri Reynaldo:
"O‘zbekistonni tabriklayman, sizlar g‘alabaga munosibsizlar"
Lưu Sơn Tùng:
"O‘zbekiston, g‘alaba muborak bo‘lsin! Siz bunga loyiqsiz. Vyetnamliklar ham xafa emas, ular ham xursand"
Hoan Thanh:
"O‘zbekistonni tabriklaymiz. Vyetnam terma jamoasi uchun mag‘lubiyat ham yaxshilikka, chunki endi jahon chempionatiga qatnashish uchun ko‘proq mashq qilamiz"
Patrick Chak:
"Bu mag‘lubiyat ularga (vyetnamliklarga) katta saboq bo‘ldi. Sizlar har doim ham penaltidan g‘alaba qozonavermaysizlar"
Hoàng Nguyễn:
"O‘zbekistonni tabriklayman! Men Vyenamdanman. Har ikki jamoa ham juda ajoyib. Men o‘z jamoam bilan faxrlanaman, ular afsona yaratdi. Vyetnam jamoasiga rahmat. Ular juda yaxshi o‘yin ko‘rsatdi, umid qilamanki, har ikki jamoa ham keyingi jahon chempionatida ishtirok etadi"
Tom Vo:
"O‘zbekistonni Vyetnam nomidan tabriklayman, sizlar g‘alabaga loyiqsizlar!"
