O‘zbekistonning 2 karra chempioni – “Lokomotiv” Superliga 4-turida Olmaliqda AGMK jamoasi mehmoni bo‘ladi.
Mazkur ikki jamoaning navbatdagi to‘qnashuvini Akobirxo‘ja Shukrullayev boshchiligidagi hakamlar guruhi boshqarib boradi. O‘yin soat 18: 00da start olishi ko‘zda tutilgan.
AGMK – “Lokomotiv”
31 mart. Olmaliq shahri. Soat 18:00.
Hakamlar: A. Shukrullayev (Toshkent), S. Hakimov (Samarqand), CH. Qamarov (Samarqand), G‘. Jo‘rayev (Namangan).
Nazoratchi – F. Abdullayev (Toshkent).
Komissar – L. Qo‘chqorov (Toshkent).
Shu o‘rinda, AGMK hamda “Lokomotiv” jamoalarining o‘zaro qarama-qarshiliklari tarixiga nazar tashlasak, jamoalar shu paytga qadar milliy chempionatlarimiz doirasida 18 ta o‘yin o‘tkazishgan. Ularning 12tasida “temiryo‘lchilar” jamoasi g‘alabaga erishgan. 3ta o‘yin esa olmaliqlik futbolchilar foydasiga hal bo‘lgan. Yana 3ta uchrashuv durang bilan nihoyasiga yetgan.
“Lokomotiv” va AGMK o‘rtasidagi ilk o‘yin 2008 yilda o‘tkazilgan bo‘lib, unda “Lokomotiv” o‘z maydonida 2:1 hisobida zafar quchishga muvaffaq bo‘lgan.
“Lokomotiv”ning ushbu raqib ustidan qozongan eng yirik hisobdagi g‘alabasi 2017 yilda qayd etilgan bo‘lib, o‘sha bahs 5:0 hisobi bilan yakunlangan.
“Temiryo‘lchilar” jamoasi vakillari AGMK darvozasini hozirga qadar 42 marta ishg‘ol etishgan va o‘z darvozamizdan 21ta gol o‘tkazib yuborganmiz.
Quyida jamoalarning o‘zaro o‘yinlarida kiritilgan chiroyli gollarni tomosha qilishingiz mumkin:
