Matbuot anjumanining navbatdagi qismida "Nasaf" ustozi Ro‘ziqul Berdiyev va uchrashuvning eng yaxshi o‘yinchisi Azizjon G‘aniyev ishtirok etishdi.

Ro‘ziqul Berdiyev: - Bugungi uchrashuv nazoratimiz ostida o‘tkazdik. Ammo himoyadagi bitta xato orqali ochko yo‘qotishimizga olib keldi. Tajribali himoyachilarimiz bunday qo‘pol xatoga yo‘l qo‘ymasligi kerak edi. Albatta futbolchilarimizga e’tirozim yo‘q. Ammo ochko yo‘qotganimiz alamli bo‘ldi. Umuman olganda, yigitlarimiz yomon o‘ynashmadi. Endi oldimizda turgan muhim o‘yinga tayyorgarlikni boshlaymiz.

Azizjon G‘aniyev: - Biz bu o‘yinga astoydil tayyorgarlik ko‘rgan edik. Bunday natijaga loyiq o‘yin ko‘rsatmadik deb, hisoblayman. Ammo, afsuski, tayyor g‘alabani qo‘ldan chiqardik. Shunisi alamli bo‘ldi.

Ro‘ziqul Berdiyev: - Cheran hali o‘yinga to‘liq tayyor emasligi uchun bugun uni maydonga tushirmadik. U faqat kecha safimizga qo‘shildi. Bu o‘yinchimiz bizga juda kerak bo‘layapti. O‘ylaymanki, u navbatdagi o‘yinimizda bizga yordam bera oladi. Albatta “Persepolis” bilan bo‘ladigan o‘yin haqida o‘ylaslikni iloji yo‘q. Ammo bugungi tanlangan tarkib yoki olib borilgan o‘yin, navbatdagi o‘yinni o‘ylab qilingan emas. Barcha o‘yinlar biz uchun muhim. Bobur Abduxoliqovni dastlabki daqiqalardan maydonga tushirmaganimizga sabab, bu futbolchimiz keyingi vaqtda umuman dam olmasdan maydonga tushmoqda. Shuningdek, boshqa o‘yinchilarimizda ham shu holat, xohlaymizmi yo‘qmi bunday ketma-ket o‘yinlar baribir futbolchilarni toliqtirib qo‘yadi. Ammo biz keyingi o‘yinga yaxshi tayyorlanamiz, muxlislarimiz bizdan ijobiy natija kutishayapti. Biz ularni xursand qilish uchun maydonga tushamiz.