Superliga 6-turi doirasidagi «Paxtakor» hamda «Qizilqum» o‘rtasidagi uchrashuv o‘z poyoniga yetdi. Qiziqarli tarzda kechgan bahsda «sherlar» 2:1 hisobida zafar quchishdi.
Uchrashuvning 34-daqiqasida Tyago Bezerra hisobni ochdi. Birinchi bo‘limda boshqa gol kiritilmadi.
Ikkinchi bo‘limda esa ko‘plab vaziyatlar bo‘lishiga qaramay golni muxlislar uzoqroq kutishdi. Bu gol 62-daqiqada mehmonlar tomonidan kiritildi. Aniqrog‘i belgilangan penaltidan unumli foydalangan Nemanya Yovanovich hisobni tenglashtirgan edi.
Ammo bu xursandchilik uzoqqa cho‘zilmadi. 76-daqiqada Jaloliddin Masharipovga nisbatan ishlatilgan qo‘pollik tufayli bu safar mehmonlar darvozasi tomon penalti belgilandi. Bu vaziyatda esa Ismoil Gonsalvesh zarbani ishonchli tarzda amalsha oshirib, jamoasining g‘alabasini ta’minladi.
SUPERLIGA 6-TUR
«PAXTAKOR» – «QIZILQUM» - 2:1 (1:0)
Hakamlar: V.Agishev (Toshkent), O.Abduvasilov (Toshkent), S.SHoyusupov (Toshkent), J.Muxtorov (Toshkent).
Gollar: Tyago Bezerrv (34), Ismoil Gonsalvesh (76-pen) – Nemanya Yovanovich (62-pen.).
Paxtakor: Eldorbek Suyunov, Vladimir Kozak, Sherzod A’zamov, Marko Simich (s), Akmal Shorahmedov, Azim Ahmedov (Stanislav Andreev, 66), Dilshod Rahmatullayev, Jasur Yaxshiboyev (Bahrom Abdurahimov, 64), Jaloliddin Masharipov, Tyago Bezerra, Ismoil Gonsalvesh (Jasur Hakimov, 82)
Qizilqum: Erkin Jabborov, Fayzullo Qambarov, Georgi Kvesiyeshvili, Muhsin Ubaydullayev, Sherali Jo‘rayev, Erkin Boydullayev, Nodir Kamolov (Samandar Shodmonov, 53), Mirjalol Qosimov, Artur Gevorkyan, Doniyor Usmonov (Akmal Rustamov, 65), Nemanya Yovanovich
Ogohlantirishlar: Sherzod A’zamov (61), Dilshod Rahmatullayev (70) – Erkin Jabborov (74).
