Italiya bolalar futbolida g‘alati voyeqa yuz berdi. «Aprilya» - «Konnekt» o‘yinida bosh hakam mehmonlar davrozasiga penalti belgiladi. Ammo, mezbonlarning 13 yoshli hujumchisi Nikolo Francheskotti hakam tomonidan noto‘g‘ri qaror qabul qilingan deb hisoblab, penaltini atayin noaniq tepdi va muxlislar olqishiga sazovor bo‘ldi.
«Qoidabuzarlik yo‘q edi. Hakam noto‘g‘ri qaror qabul qildi. Hech kim menga atayin noaniq tep demadi, shunchaki, o‘zim shu qarorning to‘g‘ri bo‘lishini angladim» - deb Nikolo so‘zlarini keltirmoqda Latina Oggi.
Francheskotti «Yuventus»ga muxlislik qiladi va jamoasining Chempionlar Ligasida «Real» to‘sig‘idan o‘tolmaganini haligacha hazm qilolmayapti.
«Ronaldu ham xuddi men singari penaltini noaniq tepishi kerak edi» - deb qo‘shimcha qildi Nikolo.
