Italiya A seriyasining 20-turi doirasida "Yuventus" o‘z maydonida "Kyevo"ni qabul qilib, yirik hisobda g‘alaba qozondi.

Uchrashuvning 13-daqiqasida Duglas Kosta hisobni ochgan bo‘lsa, birinchi bo‘lim tugash arafasida Emre Jan hisobdagi farqni oshirdi.

Ikkinchi bo‘lim boshida "Kyevo" darvozasi tomon belgilangan penaltini Ronaldu golga aylantira olmadi. Uning zarbasini darvozabon qaytardi. Shu bois, Krishtianu to‘purarlar poygasida yaqqol peshqadam bo‘lib olish imkoniyatini qo‘ldan chiqardi.

O‘yin tugashiga 6 daqiqa qolganida Rugani hisobni yirik ko‘rinishga keltirib qo‘ydi.

Mazkur g‘alaba tufayli "Yuventus" o‘z ochkolarini 56taga yetkazib, jadvalda peshqadamlik qilishda davom etadi. Jamoa 2-o‘rindagi "Napoli"dan 9 ochko oldinda bormoqda.

Italiya A seriyasi, 20-tur
Yuventus – Kyevo 3:0 (2:0, 1:0)
Gollar: 1:0 – 13 Duglas Kosta, 2:0 – 45 Emre Jan, 3:0 – 84 Rugani.
Noaniq penalti: Krishtianu Ronaldu (53, darvozabon)
Yuventus – Perin, De Shilyo, Rugani, Kyellini, Aleks Sandro (Kin, 89), Duglas Kosta (Bentankur, 76), Emre Jan, Matyuidi, Bernardeski (Spinassola, 86), Dibala, Ronaldu.
Kyevo – Sorrentino, Bani, Rossettini, Tomovich, Depaoli (Yaroshinski, 66), Xetemay (Vignato, 61), Radovanovich, Kiyine, Jakkerini, Medjorini, Pellissye (Stempinski, 65).
Ogohlantirishlar: Bani (51), De Shilyo (80), Kiyine (83).