Италия А сериясининг 20-тури доирасида "Ювентус" ўз майдонида "Кьево"ни қабул қилиб, йирик ҳисобда ғалаба қозонди.

Учрашувнинг 13-дақиқасида Дуглас Коста ҳисобни очган бўлса, биринчи бўлим тугаш арафасида Эмре Жан ҳисобдаги фарқни оширди.

Иккинчи бўлим бошида "Кьево" дарвозаси томон белгиланган пенальтини Роналду голга айлантира олмади. Унинг зарбасини дарвозабон қайтарди. Шу боис, Криштиану тўпурарлар пойгасида яққол пешқадам бўлиб олиш имкониятини қўлдан чиқарди.

Ўйин тугашига 6 дақиқа қолганида Ругани ҳисобни йирик кўринишга келтириб қўйди.

Мазкур ғалаба туфайли "Ювентус" ўз очколарини 56тага етказиб, жадвалда пешқадамлик қилишда давом этади. Жамоа 2-ўриндаги "Наполи"дан 9 очко олдинда бормоқда.

Италия А серияси, 20-тур
Ювентус – Кьево 3:0 (2:0, 1:0)
Голлар: 1:0 – 13 Дуглас Коста, 2:0 – 45 Эмре Жан, 3:0 – 84 Ругани.
Ноаниқ пенальти: Криштиану Роналду (53, дарвозабон)
Ювентус – Перин, Де Шильо, Ругани, Кьеллини, Алекс Сандро (Кин, 89), Дуглас Коста (Бентанкур, 76), Эмре Жан, Матюиди, Бернардески (Спинаццола, 86), Дибала, Роналду.
Кьево – Соррентино, Бани, Россеттини, Томович, Депаоли (Ярошиньски, 66), Хетемай (Вигнато, 61), Радованович, Кийине, Жаккерини, Меджорини, Пеллиссье (Стемпиньски, 65).
Огоҳлантиришлар: Бани (51), Де Шильо (80), Кийине (83).