Akademik lisey o‘zbekning fidoiy farzandi, O‘zbekiston Fanlar Akademiyasining akademigi Sirojiddinov Sa’di Hasanovich tashabbuslari bilan 1970 yil 25 sentyabrda "Respublika maxsus maktab internati" nomi bilan tashkil qilingan. 1991 yil ushbu inson xotirasini abadiylashtirish maqsadida akademik liseyga S.H.Sirojiddinov nomi berildi.

O‘zbekiston Respublikasi Prezentining 2017-yil 26-sentyabrdagi PQ-3290-sonli qaroriga asosan O‘zbekiston Milliy universitetining S.H.Sirojiddinov nomli akademik liseyi deb nomlanayotgan ta’lim muassasamizda bugungi kunda 4 ta:

— aniq fanlar (matematika, fizika, hozirgi o‘zbek adabiy tili);

— aniq II fanlar (matematika, xorijiy til, hozirgi o‘zbek adabiy tili);

— tabiiy fanlar (kimyo, biologiya, hozirgi o‘zbek adabiy tili);

—  ijtimoiy-gumanitar fanlar (tarix, xorijiy til, hozirgi o‘zbek adabiy tili) yo‘nalishlari mavjud.

Akademik liseyda faoliyat yuritayotgan o‘qituvchilardan 1 nafar fan doktori, 3 nafar fan nomzodi, 29 nafar bosh toifali, 17 nafar yetakchi, 32 nafar katta o‘qituvchilar hisoblanadi.

Akademik liseyni muvaffaqiyatli tugatgan o‘quvchilar bugungi kunda turli jabhalarda faoliyati ko‘rsatishmoqda. Jumladan, Eshmanov Bahrom – Prezident ma’muriyatida, Dabirov Turg‘unbek — Respublika Davlat xavfsizligi xizmatida, Majidov Inomjon – Oliy va o‘rta maxsus ta’limi vaziri, Begimqulov Uzoqvoy — Oliy va o‘rta maxsus ta’limi vazirining birinchi o‘rinbosari, Shoimqulov Bahodir — Qarshi Davlat universiteti rektori, Ibragimov Zoir – AQSH Kaliforniya universiteti professori, Hamroqulov G‘ofur – Bojxona xizmati institutining prorektori, Ermanov Nurulla – Farg‘ona Davlat pedagogika universiteti prorektori, Yomonqulov Ubaydulla – Jizzax viloyati hokimi (sobiq), Qodirov Alisher – Surxondaryo viloyati hokimi (sobiq) va h.k. Bu ro‘yxatni uzoq davom ettirish mumkin, chunki respublika va xorijiy davlatlarga chiqib u yerlarda faoliyat yuritayotgan 400 nafardan ortiq fan nomzodlari, 50 nafardan ortiq fan doktorlari O‘zbekiston shon-sharafini dunyoga taratmoqda.

Akademik lisey o‘quvchilari Xalqaro va Respublika olimpiadalarida qatnashib, yuqori o‘rinlarni qo‘lga kiritib kelmoqda. Jumladan,

 Bugungi kundagi g‘oyat mushkul vazifa — milliy qadriyatlarni ravnaq toptirish, yoshlarni Vatanni sevish, uning shuhratiga shuhrat qo‘shish ruhida tarbiyalashdir. Faqat shunday vorislargina, kelajagi buyuk mamlakatimizning haqiqiy fidoyilari bo‘lishga loyiqdirlar.

Yuqorida nomlari qayd qilingan Davlat xizmatidagi hamda olimpiada g‘oliblari safini kengaytirish har qanday O‘zbekiston fuqorosiga g‘urur baxsh qilishi aniq. Bunday buyuk maqsadni amalga oshirish judayam mashaqqatli vazifadir.

Hurmatli vatandoshlar, shu sharafli ishlarga o‘z hissangizni qo‘shish niyatda bo‘lsangiz “Akademik liseyni rivojlantirish hamda iqtidorli o‘quvchilarni qo‘llab quvvatlash fondi” tashkil etildi. Eng ulug‘ savob ilm izlovchiga qilingan yaxshilikdir. Akademik lisey ma’muriyati Siz azizlar tomondan tushirilgan homiylik yordamlari ishlatilishi bo‘yicha doimiy hisobot berishga tayyor!