Yevropa professional futbol ligalari assosiasiyasi (EPFL) avvalroq chempionlar ligasida o‘zgartirishlarni taklif qilgan Yevropa klublari assosiasiyasining (ESA) g‘oyasiga qarshi chiqdi.

"Evropa klublar musobaqalarida islohotlar o‘tkazish taklifi bir nechta boy klular foydasiga ishlaydi, biroq ko‘pchilik klublar va ligalarga zarar keltiradi degan fikrda qolamiz.

EPFL yevrokuboklarda ham, ichki milliy chempionatlarda ham sport va moliyaviy barqarorlikni ta’minlaydigan o‘zgarishlar ustida ishlamoqda.

UYEFA klub musobaqalari loyihalariga o‘zgartirishlar kiritish uchun hammasini noldan boshlashi kerak deb hisoblaymiz. UYEFA barcha professional klublarning qiziqishlarini himoya qilish uchun boshqa tomonlar bilan kelishishi kerak", - deyiladi EPFL bayonotida.

Avvalroq "Yuventus" prezidenti Andrea Anyelli boshliq Yevropa klublari assosiasiyasi (ESA) yevrokuboklar uchun ichki chempionatlarda saralanish o‘rniga Yevropa futbol piramidasi tizimi - yuqori va quyi pog‘onalardan iborat chempionlar ligasi tashkil qilishni taklif qilgan edi.

Shuningdek, chempionlar ligasi o‘yinlari dam olish kunlariga, ichki chempionat o‘yinlari hafta o‘rtasiga ko‘chirish g‘oyasi ham ilgari surilgan.