Hozirda Eden Azarning «Real Madrid» klubida qanday rolda paydo bo‘lishi ko‘pchilikni qiziqtirmoqda. Darhaqiqat, Ronaldudan so‘ng jamoaning hujumkorligiga javob berishi kutilayotgan Belgiyalik futbolchi yangi klubida tutgan o‘rni qanday bo‘lishini vaqt ko‘rsatadi. Bugun «Real Madrid» futbolchilari bu ikki futbolchidan qay biri bilan jamoadosh bo‘lishni ko‘proq xohlashlari bilan qiziqdik.
Serhio Ramos
O‘ylashimcha bu ajoyib tanlov bo‘ldi. Azar dunyo darajasidagi yulduz. Uning transferi bizga jamoani kuchaytirishda qo‘l kelishi aniq. Oldimizda katta vazifalar mavjud. Eden vazifalarni bajarishda va g‘alabalarni qo‘lga kiritishimiz uchun omad kaliti bo‘ladi degan fikrdaman.
Ronalduga to‘xtalib o‘tirish niyatim yo‘q. U o‘tmishda qoldi. Endi biz usiz maydonda harakat qilishimiz shart. Shunday bo‘lsada, jamoamizning tarkibi Krishsiz ham yomon emas. Eden Azar ham Ronaldu singari super yulduzga aylanadi. Sababi, bizning jamoaga kelgan yulduzlarning barchasi o‘z pozisiyasida keyinchalik tengsizga aylanishadi. Bizda g‘oliblik ruhi mavjud!
Karim Benzema
Azar meni dunyodagi eng kuchli hujumchi deb ataganidan hursandman, biroq bu meni sustkashlikka yo‘l qo‘yishimga imkon bermasligi zarur. Men Azar singari futbolchi bilan kuchayib olganimizdan hursandman. Biz yangi mavsumda avvalgisidan farqli o‘laroq katta tayyorgarlik ko‘ryapmiz. Azarning kelishi biz uchun foyda bo‘ldi.
Ronalduning ortga qaytishi borasidagi mish-mishlarga ishonishning xojati yo‘q. Endilikda bizda super yulduz mavjud va yana bir uning darajasidagi futbolchini klubga jalb qilishdan ma’ni yo‘q deb hisoblayman.
Varan
Azar va Pogba singari kuchli futbolchilarga «Real Madrid»da doimo joy topiladi. Shunday bo‘lsada, bizning jamoada raqobat kuchli ekanligini unutmaslik lozim. Azar hozirda o‘zining eng pik formasiga chiqib kelmoqda. Men uni juda yaxshi bilaman. JCH 2018 musobaqasida Belgiya terma jamoasiga qarshi maydonga tushishdan avval biz Azarni zararsizlantirish maqsadida alohida strategiya tanlashga majbur bo‘lgan edik. Hozirda Ronaldu bilan uni solishtirishning deyarli iloji yo‘q. Azarning o‘yin uslubi ko‘proq Messini eslatib yuboradi. U himoychilarni osonlik bilan aldab o‘tsa, Ronalduning o‘z ko‘zerlari mavjud. Ularning qay biri kuchliroq formada ekanligini aytish mushkul.
Modirich
To‘g‘risi, Ronaldu va Azarni solishtirishdan hech qanday foyda yo‘q. Krish «Real Madrid»da katta yutuqlarga erishgan va uni muxlislar haligacha qattiq hurmat qilishadi. Shu jumladan sobiq jamoadoshlari ham uning o‘rni bo‘shab qolganini darrov sezishdi.
Eden Azarga to‘xtaladigan bo‘lsam, u «Real Madrid»ga munosibligini avvalo isbotlashi zarur. Eng qizig‘I shundaki, u mening 10-raqamimni hazillashib so‘radi. Bu hazil bo‘lsada, uning so‘zlash ohangidan jiddiylik ufurib turgan edi. Men uning hazilomuz savolidan biroz o‘ylanib qoldim. Shuni aytishim mumkin-ki, men o‘z raqamimni nafaqat Azarga, balki boshqa futbolchiga ham bermoqchi emasman.
Marselo
Azar ajoyib futbolchi, lekin u «Real»ning yetakchisiga aylanishiga ishonish qiyin. Ronaldu bilan jamoa boshqacharoq o‘yin namoyish etar edi. Ronaldu tug‘ma yetakchi! Uning o‘rnini bosishning iloji yo‘q! O‘ylashimcha, dunyodagi istalgan klub uni o‘z safida ko‘rishni orzu qilsa, ajab emas. Afsuski, klubingizni dunyoning eng kuchli futbolchisi tark etsa, uni o‘rnini hech kim bosa olmasligini his qilasiz va uni tinmay sog‘ina boshlaysiz. Biz u bilan nafaqat jamoadosh, balki do‘st ham edik.
