Ma’lumki, O‘zbekiston Milliy olimpiya qo‘mitasi yurtimiz sportchilarini Tokio 2020 Olimpiya o‘yinlariga puhta tayyorlash, ularning jismoniy va funksional tayyorgarligini  yuksaltirish maqsadida qator amaliy ishlarni bajarib kelmoqda. Aynan shu maqsadda MOQ qoshida kompleks-ilmiy guruh tashkil etilgan bo‘lib, ushbu guruh a’zolari Rustam Xolmuhamedov, Soyibjon Tajibayev va Rashid Matkarimov boks hamda taekvondo WT bo‘yicha O‘zbekiston milliy terma jamoa a’zolari bilan test kuzatuvlarini o‘tkazishdi. Mazkur kuzatuvlar bir vaqtning o‘zida 10 nafar sportchining funksional holati hamda berilgan yuklama hajmini aniqlash imkonini berdi.

Bundan tashqari kompleks-ilmiy guruhda faoliyat olib borayotgan olimlar F.Kerimov, S.Eshtayev A.Achilov va J.Akramov tomonidan  gimnastika bo‘yicha mamlakat terma jamoasi a’zolari bilan ilmiy kuzatuvlar olib borildi. Rossiyalik mutaxassislar bilan hamkorlikda o‘tkazilgan mazkur ilmiy kuzatuvlar jarayonida mobil laboratoriyadan foydalanib sportchilar hamda ularning murabbiylariga tegishli tavsiyalar berildi.