«Manchester Yunayted» klubi va Angliya terma jamoasi sobiq futbolchisi Ueyn Runi «Yuventus» forvardi Krishtianu Ronaldu va «Barselona» hujumchisi Lionel Messidan qaysi biri kuchli ekanini aytdi.

«Biz Krishtianu bilan birga o‘ynashni boshlaganimizda, u gollar urishning unchalik hadisini olmagan edi. Ammo jahonning eng yaxshi futbolchisi bo‘lishni istayotgani ko‘rinib turardi.

U juda ko‘p shug‘ullanardi. Bu esa o‘z mevasini bera boshladi. Ronaldu aql bovar qilmas to‘purarga aylandi. U va Messi, balki, — futbol tarixidagi eng yaxshi ikki o‘yinchi.

Ammo Krishtianu bilan do‘st bo‘lganimga qaramay, men Messini tanlayman. Shu sababga ko‘ra men Xavi va Skoulzning o‘yinlarini tomosha qilishni yaxshi ko‘rar edim. Messining o‘yinida boshqalarda yo‘q jihatlar mavjud. Messi katta kuch bilan zarba orqali gol urganini eslay olmayman. U o‘zining barcha gollarini texnika orqali uradi. Hammasi juda oddiy ko‘rinadi.

Ronaldu maydonda shafqatsiz, u qotil. Lekin Messi seni o‘ldirishdan oldin qiynoqqa soladi. Shunday taassurot uyg‘onadiki, Messi o‘yindan shunchaki zavq oladi», — dedi Runi "The Times"ga bergan intervyusida.