Angliyaning "Liverpul" klubi sobiq himoyachisi Jeymi Karrager Fernando Torresning 2011 yili "Chelsi" klubiga o‘tgani haqida fikrlari bilan o‘rtoqlashdi.
"Men hatto bunga ishonmagandim. Biz "Chelsi"ni aldayotganimizni bilardim. Torres v "Liverpul"dagi so‘nggi yilida o‘zining soyasida qolib ketgandi. 18 oy mobaynida u "Liverpul"ning dunyodagi eng zo‘r hujumchisi edi. Nazarimda, "Chelsi" xo‘jayini uning statistikasiga va yuzma-yuz uchrashuviga e’tibor berdi, shekilli. O‘sha mavsumda Torres bizga qarshi o‘yinda ikkita gol kiritgandi.
O‘sha paytda 57 million yevro juda katta pul edi, biz shok holatida edik. Albatta, Torresning ketayotganidan juda xafa bo‘lgandik, ammo, biz uni bunday narxga sotayotganimizga ishonmagandik.
Baribir, biz ham shunga o‘xshash xatolikka yo‘l qo‘ydik va 40 million yevroga Endi Kerrollni sotib olgandik, lekin, Luis Suaresni ham shunday narxga sotib olganmiz. Men Torres "Chelsi" tarkibida o‘ynab keta olmaganiga hayron bo‘lmaganman, - Karragerning so‘zlaridan iqtibos keltirmoqda Sky Sports.
"Chelsi" tarkibida Torres 106 ta uchrashuv o‘tkazdi va 20 gol kiritgandi. "Liverpul" klubida esa 102 ta o‘yinda 65 ta gol urgandi.
