«Yuventus» himoyachisi Jorjo Kyellini va «Breshiya» hujumchisi Mario Balotelli tanqidlar "yomg‘iri"dan so‘ng o‘zaro yarashib olishdi.

Kyellini yaqinda yozgan avtobiografiyasida Italiya termasidagi jamoadoshini tanqid qilib, «Balotelli — yomon inson. U tufayli Konfederasiyalar kubogi-2013da mag‘lubiyatga uchraganmiz", mazmunida mulohaza yozgan edi.

Balotelli esa: «Har holda menda insonlarning yuziga gapirishdek rostgo‘ylik va mardlik xislati bor. Senda 2013 yildan beri haqiqiy erkaklarga xos ravishda bu ishni amalga oshirish uchun ko‘p imkoniyat bor edi. Ammo sen buni qilmading. Kim biladi, vaqti kelib hozirgi jamoadoshlaring haqida yana nimalar deysan», — deya javob qaytargan edi.

Yakunda ular "Le lene" shou dasturi orqali yarashib olishdi. Balotelli Kyelliniga o‘z futbolkasini yubordi hamda: "Kutilmaganda, orqamdan pichoq urgan bo‘lsang-da, men seni hamon yaxshi ko‘raman. Bag‘rimga bosaman, afsona!», deya bayonot berdi.

Kyellini esa videoqo‘ng‘iroq orqali javob qaytardi:
«Bu kitobni chop etish yoki etmaslikni bilmay qoldim. Agar buni yozmaganimda, o‘zimni ikkiyuzlamachi deya his qilgan bo‘lardim. Mario, men xato qilib, ko‘p narsani o‘rgandim. Men esa eng yaxshi tilaklarimni bildiraman va seni yana maydonda ko‘rishga umid qilaman!»