14 may — Sankt Peterburgning “Zenit” klubi UEFA kubogini qo‘lga kiritgan sana. 2008 yil. O‘zi o‘sha mavsumni rus futbolining cho‘qqisi desak to‘g‘ri bo‘lardi. Terma jamoa Yevropa miqyosida kuchli to‘rtlikdan o‘rin olgan va yarim finalgacha Niderlandiyani mag‘lub etgani hanuzamki rus ishqibozining yodidan ko‘tarilmaydi.

Bosh murabbiy Dik Advokat bo‘lgani holida "Zenit" UEFA kubogida fenomenal o‘yinlar ko‘rsatdi. Vladislav Radimovning to‘lishgan davri, Andrey Arshavin otning ustida, Roman Shirokov kashf etilgan, jamoa sardori Anatoliy Timoshchukning yulduzli onlari, Pavel Pogrebnyakni bir qator klublar surishtirayotgan damlar va chempionat to‘purarlaridan biri Fotih Tekkening gollari o‘sha yilgi musobaqani mutlaq "Zenit"ga olib berdi.

"Zenit" "Siti of Manchester"da 14 may oqshomida "Glazgo Reynjers"ni mag‘lub etishidan oldinoq turnir favoriti ekanini ko‘rsatib qo‘ygandi.

Yo‘lida "Bavariya"ni – 4:0 hisobidagi katta hisob bilan, "Bayer" Liverkuzenni – unga ham to‘rtta gol, "Marsel"u "Vilyarreal"ni dog‘da qoldirib chiqqanidan ham bilsak bo‘ladiki, bu yo‘l ancha mashaqqatli yo‘l edi. Taqqoslash uchun aytaman: "Glazgo" bu tomondan "Verder"ni, "Panatinaikos"ni, "Sporting"ni va "Fiorentina"ni dog‘da qoldirgan. "Zenit"ning chempion bo‘lishi adolatdan edi aslida.

O‘yinning o‘ziga keladigan bo‘lsak, ikki jamoa ham ancha tartibli harakatlangan. Jismoniy tomondan ustunligi sezilgan piterliklar 72 daqiqalik sukunatni Denisovning golidan so‘ng buzishga muvaffaq bo‘lishgan. So‘nggi daqiqalarda haddan tashqari hujumga o‘tib ketgan shotlandlar qarshi hujumdan jazolanishgani yodimizda. Gol muallifi – Ziryanov edi. 2:0 va "Zenit" superkubokka, endi "Manchester Yunayted"ni maxf etish uchun yo‘l oladi. “Lui II" stadionidagi navbatdagi zafardan so‘ng Rossiya terma jamoasi Yevro-2008 da zo‘r o‘ynamasligi mumkin emasdi. Hammasi davomiy va natijalar paralleli to‘g‘ri.

Xayrulla Hamidov.