Muhammad Saloh Misr terma jamoasini mundialga olib chiqqanida deyarli o‘ttiz yillik tanaffus haqida gap ketgandi. Afrikalik iqtidor “Liverpul” klubida ham shunday taqdir egasiga aylandi. Uning yulduzli davrida “qizillar” APL g‘olibi bo‘lishmoqda.

Yurgen Klopp jamoani chempion qilayotan ilk nemis murabbiyi. Inglizlar eplolmagan ish edi bu.

“Chelsi”...

Chempionlik buyurtmasini qabul qilishga haqli klub “Liverpul”dan qolib ketgan qarzini to‘ladi. Oshig‘i bilan hatto. Maur Jerrardga qo‘shilib yiqilgan “Liverpul” klubi ustidan o‘tib ketgandi va chempionlik “ManSiti”ga nasib etgani yodimizda. Endi unutamiz, bo‘ldi!

Yillar o‘tib londonliklar shu ishni Gvardiola yigitlariga nisbatan ham qo‘llashdi.  Alamli tomoni, “Siti” “Liverpul”ni chempion bo‘lishini bilardi, ammo “Etihad”dagi o‘yinga CHEMPION maqomida kelishini istamagan edi. Nailoj, chempionlik yo‘lakchasiga taraddud ko‘radi janob Pep.

Qator rekordlar...

Ikkinchi o‘rin bilan o‘rtadagi farq mavsum tugashiga 7 tur qolganida 23 ochko! Bunaqasini boshqa klub yetti uxlab-da tushida ko‘ra olmaydi.

Romantik klub APLdagi ilk, Angliyadagi 19-chempionligini shu tarzda -  ko‘p hodisalarga boy holda qo‘lga kiritmoqda. Faktlar odamni charchatib tashlaguli darajada serob. Muhimi chempionligi.

Hozirda havo issiqligi bois, futbolchilar bo‘lim o‘rtasida suv ichib, biroz tin olishyapti. “Liverpul” klubining olamshumul muvaffaqiyatini qabul qilishga tayyor bo‘lmagan dunyo ozgina tin oldi – pandemiyada go‘yo tomonlar “suv ichib olishdi”.

Birdan buncha voqeani aqlimizga sig‘dirishimiz uchun qulay fursat berilgandek. Yoki “Liverpul” uchun qo‘shimcha romantik tuyg‘ular tuhfasidir bu, kim biladi, deysiz. Axir, g‘oliblikni muxlislar qarshisida nishonlamaslik hissi ham borku bu yerda...

Jamoa muxlislarini tabriklaymiz!

Tarixda butkul o‘zgacha holatlar-la eslanadigan 2020 yili boshqa jamoa g‘olib bo‘lishi rostanam voqelikka tushmas ekan..

Xayrulla Hamidov.