Chempionlikni qo‘ldan chiqargan «Barselona» so‘nggi turda La ligada jon saqlab qolish vazifasini uddalab bo‘lgan «Alaves» klubi mehmoni bo‘ldi.

O‘yin asosan bir darvoza tomon bo‘ldi. Messi o‘z hisobiga 2ta gol yozgan bo‘lsa, Ansu Fati, Luis Suares va Nelson Semedudan bittadan gol muallifiga aylanishdi. Yakuniy  hisob — 0:5.

Shuningdek, Riki Puch va Xordi Alba ikkitadan golga assistentlik qilishdi. Messi hisobiga esa bitta golli uzatma yozildi.

Ushbu g‘alaba tufayli "Barselona" o‘z ochkolarini 82taga yetkazdi. Messi esa 25ta gol bilan Ispaniya chempionatining joriy mavsumidagi eng yaxshi to‘purar bo‘lishga asosiy da’vogarga aylandi. "Real" hujumchisi Karim Benzema hisobida 21ta gol mavjud.

Ispaniya chempionati, 38-tur
Alaves – Barselona 0:5 (0:3, 0:2)
Gollar: 0:1 – 24 Fati, 0:2 – 34 Messi, 0:3 – 44 Suares, 0:4 – 57 Semedu, 0:5 – 75 Messi.
Alaves – Roberto, Magalyan, Laguardia (Tachi, 46), Marin, Agirregabiria, Mendes, Manu Garsiya (Feysa, 59), Kamarasa (Maxmud, 65), Berk (Rioxa, 46), Xoselu, Lukas Peres (Pere Pons, 46).
Barselona – Neto, Langle (Semedu, 50), Arauxo, Serji Roberto, Alba, Vidal, Buskets (de Yong, 59), Puch, Fati (Breytueyt, 78), Suares, Messi.