"Andijon" klubi matbuot xizmati kecha o‘z debyutini nishonlagan Jamshid Homidov bilan kichik intervyu uyushtirdi.

— Avvalambor debyut o‘yiningiz bilan tabriklaymiz! Bugungi debyut o‘yiningiz haqida o‘z fikringiz.
— Avvalo murabbiylar shtabiga menga ishonch bildirayotganliklari uchun o‘z minnatdorchiligimni bildiraman. To‘g‘risini aytsam, o‘yinimdan o‘zimni ko‘nglim to‘lmadi, chunki men hujumchiman va gol urishim kerak edi. Kelajakda o‘z o‘yinim va gollarim bilan «Andijon» jamoasiga foydam tegishini istayman, murabbiylarning ishonchini oqlashga harakat qilaman.

— Asosiy jamoa safiga qo‘shilishingiz qanday bo‘ldi, kim taklif qildi?
— Aleksandr Homyakov murabbiyligida ham asosiy jamoa bilan yig‘inlarda ishtirok etar edim, ammo menga e’tibor kamroq bo‘lgan, so‘ngra Viktor Kumikov ham jamoa yig‘inlarga chaqirdi, Kumikovga ham o‘yinim yoqmadimi, to‘g‘risi bilmadim. Baxtiyor aka Hamidullayev o‘tgan yildan beri o‘rinbosarlar tarkibi kuzatib kelar edi, hozir jamoada hujumchi muammo bo‘lganligi sababli meni jamoaga taklif qildi.

— Sizni kuzatib, qo‘llab-quvvatlab turganlarga aytar so‘zingiz..
— Avvalo klub rahbari Jur’atbek aka Quvvatovga yoshlarga imkon berayotgani uchun o‘z minnatdorchiligimni bildiraman va bundan hursandman. Jamoamiz muxlislari doim qo‘llab-quvvatlab turishsa, men ham muxlislarning ishonchini oqlash uchun borimni beraman.

"Andijon" matbuot xizmati.