Kataloniyaning «Barselona» klubi bosh murabbiyi Ronald Kuman "Betis"ga qarshi o‘yinda nima uchun Lionel Messi zahirada qolganiga izoh berdi.
«Leo Kiyevning «Dinamo» klubiga qarshi bo‘lib o‘tgan o‘yindan keyin o‘zini yomon his qildi. Shu sababli, biz uni zahira o‘rindig‘ida qoldirishga qaror qildik. Rejamiz bo‘yicha, agar unga ehtiyoj sezilsa zahiradan maydonga tushardi. Agar o‘zini qulay his qilganida asosiy tarkibda maydonga tushardi. Men unga shubha qilmayman. U qanday mehnat qilayotganini har kuni ko‘raman. Ikkinchi bo‘limda Leo jamoaga favqulodda kerak bo‘lib qoldi», – dedi Kuman Marca bilan suhbatda.
Eslatib o‘tamiz, "Betis"ga qarshi uchrashuvda zahiradan maydonga tushgan Messi dubl qayd etdi.
