Каталониянинг «Барселона» клуби бош мураббийи Рональд Куман "Бетис"га қарши ўйинда нима учун Лионель Месси заҳирада қолганига изоҳ берди.
«Лео Киевнинг «Динамо» клубига қарши бўлиб ўтган ўйиндан кейин ўзини ёмон ҳис қилди. Шу сабабли, биз уни заҳира ўриндиғида қолдиришга қарор қилдик. Режамиз бўйича, агар унга эҳтиёж сезилса заҳирадан майдонга тушарди. Агар ўзини қулай ҳис қилганида асосий таркибда майдонга тушарди. Мен унга шубҳа қилмайман. У қандай меҳнат қилаётганини ҳар куни кўраман. Иккинчи бўлимда Лео жамоага фавқулодда керак бўлиб қолди», – деди Куман Marca билан суҳбатда.
Эслатиб ўтамиз, "Бетис"га қарши учрашувда заҳирадан майдонга тушган Месси дубль қайд этди.
