O‘zbekiston Coca Cola Kubogi yarim final doirasidagi “Qo‘qon-1912” – “Paxtakor” uchrashuvidan keyingi matbuot anjumanining birinchi qismida “Paxtakor” bosh murabbiyi Shota Arveladze ishtirok etdi.

- Avvalo shuni aytishim joizki, yarim final uchrashuvlariga mavsumda barqaror o‘ynagan va barcha qiyinchiliklarni yengib o‘tgan jamoalar yetib kelishdi. Sinovlar mavsumida bizdan tashqari, “Nasaf”, AGMK va “Qo‘qon-1912” jamoalari yaxshi o‘yin namoyish etishdi.

Bugungi uchrashuv haqida aytadigan bo‘lsam, bunday maydonda o‘z o‘yinimizni ko‘rsata olmadik. Shunday bo‘lsa-da, shogirdlarimga minnatdorchilik bildiraman. Bugungi g‘alaba bilan futbolchilarimizni tabriklayman. O‘yinga juda yaxshi hozirlandik. Maydon biz xohlaydigan futbolni namoyish etishga imkon bermasligini bilardik. Futbolchilarga rahmat aytaman, ular bor kuchlarini berishdi, keskin o‘yinda yirik hisobda g‘alaba qozondik. Ko‘plab vaziyatlar yuzaga keltirdik, raqibga deyarli imkoniyat bermadik. Finalga yo‘l oldik, yutuqqa haqli edik. Mezbonlarga esa sog‘liq, yaxshi hordiq chiqarib, keyingi mavsumga yaxshi tayyorgarlik ko‘rishlarini tilab qolaman.

Kubok bahslarini bashorat qilish mushkul. Futbolda shunday vaziyatlar bo‘ladiki, masalan Gruziya kubogining finalida ikkita quyi liga jamoalari maydonga tushishdi. Birozdan keyin boshlanadigan AGMK-Nasaf o‘yinini maroq bilan ko‘rishga harakat qilaman. Har ikki jamoa ham finalga loyiqdir.

Gruziyadan yana futbolchilar olib kelish mumkin. Buning uchun izlanish kerak. Futbolda har doim iqtidorlarni topish mumkin. O‘z mamlakatingdan futbolchi olib kelishda juda ehtiyotkor bo‘lish talab etiladi. Sen olib keladigan o‘yinchi boshqa futbolchilardan 10-15 karra ustun bo‘lishi kerak.

Masharipovni Saudiya klubiga o‘tishi borasida nima deyishim mumkin? Jalolidin Masharipovni "Paxtakor" bilan yana bir yillik shartnomasi bor.