"Liverpul" hujumchisi Muhammad Saloh Misrning shimoli-g‘arbiy qismida joylashgan Nagrig shahriga koronavirus bilan kurashishda yordam berdi. Mirror nashrining xabar berishicha, 28 yoshli futbolchi mahalliy shifoxona uchun kislorod ballonlari sotib olgan.

Manbaga ko‘ra, Saloh hukumat shifoxonalarida ballon tanqisligi sababli Nagrigda ko‘plab o‘limlar haqida xabar topgan. Shundan so‘ng, Muhammad 2017 yilda tashkil etilgan Nagrig xayriya jamg‘armasi orqali xayriya qildi.

“Saloh va uning oilasi Nagrigdagi koronavirus bilan og‘rigan bemorlarga yordam berish uchun kasalxonaga kislorodli ballonlar sotib olib berdi. U tez-tez xayr-ehsonlar orqali Misr muammolarini hal qilishga yordam beradi”, – dedi jamg‘arma direktori Hasan Bakr.

Saloh ko‘p yillar davomida Nagrig va uning odamlariga yordam berib keladi. Xususan, Muhammad shahar tez tibbiy yordam stansiyasi, mahalliy maktab, sport klublari qurilishini va davolash inshootlarini sotib olishni moliyalashtirdi. 2020 yil aprel oyida Saloh pandemiya tufayli qiyin vaziyatga tushib qolganlar uchun bir necha ming tonna oziq-ovqat sotib oldi.