Italiyaning «Atalanta» futbolchisi Alexandro Gomes Ispaniyaning «Sevilya» jamoasiga ko‘chib o‘tdi. Argentinalik futbolchi yangi jamoasidagi ilk intervyusini berdi.
«Meni hech qachon moliyaviy taraflar qiziqtirmagan. Menga bir nechta arab klublaridan takliflar bo‘ldi, lekin men futbol o‘ynab zavq olishim kerakligini tushunib turgandim. Hordiq chiqarish uchun esa albatta vaqt topiladi.
Ajoyib sport formasidaman va faoliyatimning eng yuqori cho‘qqisida turibman. Argentina terma jamoasi futbolchisiman, shu sababli, o‘zimni kuchli liga vakili sanalgan kuchli klubda o‘ynamoqchi bo‘ldim. "Sevilya" meni o‘z safiga chorlaganda ikkilanib o‘tirmadim», – dedi Gomes matbuot anjumanida.
