Futbol bo‘yicha Italiya A Seriyasining 20-turidan o‘rin olgan bir qator uchrashuvlar 31 yanvar, yakshanba kuni bo‘lib o‘tdi.

«Jenoa» safarda «Krotone»ga qarshi bahs olib bordi. Uchrashuvning 24-daqiqasida Eldor Shomurodov boshlab bergan hujumni Mattia Destro gol bilan yakunladi. Oradan ko‘p o‘tmay Lennart Chiborra o‘zining kuchli zarbasi bilan chiroyli gol muallifiga aylandi.

Ikkinchi bo‘lim debyutida Destro dublini nishonlab, hisobni yirik ko‘rinishga olib keldi. Qolgan vaqtda hisob o‘zgarmadi. Mazkur o‘yinda Shomurodov asosiy tarkibda maydonga tushib, 61-daqiqada zaxiraga olindi.

Ushbu g‘alabadan keyin genuyaliklar 21 ochko bilan 14-o‘ringa ko‘tarildi. «Krotone» (12) esa so‘nggi pog‘onada bormoqda.

«Krotone» — «Jenoa» uchrashuvidagi gollar videosini bu yerda ko‘rish mumkin — video.

Yana bir o‘yin «Atalanta» va «Lasio» jamoalari o‘rtasida kechdi. Rimliklar safida Adam Marushich, Xoaking Korrea va Vedat Muriki o‘z hisobiga gol yozdirib qo‘ygan bo‘lsa, bergamoliklarning yagona javob to‘piga Mario Pashalich muallif bo‘ldi.

A Seriya

20-tur bahslari

13 yanvar, yakshanba
«Krotone» — «Jenoa» 0:3

Gollar: 0:1 – 24 Destro, 0:2 – 29 Chiborra, 0:3 – 50 Destro.

«Krotone»: Kordas, Pedru Pereyra (Rispoli, 46), Marrone, Golemich, Retsa, Benali, Zanellato (Eduardo Enrike, 69), Junior Messias, Magalyan (Jiji, 69), Di Karmine (River, 56), Nvankvo.

«Jenoa»: Perin, Zappakosta (Gilyone, 71), Krishito, Masyello, Chiborra, Badel, Radovanovich, Strotman (Behrami, 74), Zays (Melegoni, 61), Shomurodov (Pyasa, 61), Destro (Pandev, 71).

Ogohlantirishlar: Strotman (28), Junior Messias (33), Eduardo Enrike (85).
«Atalanta» — «Lasio» 1:3

Gollar: 0:1 – 3 Marushich, 0:2 – 51 Korrea, 1:2 – 79 Pashalich, 1:3 – 82 Muriki.
«Spesiya» — «Udineze» 0:1

Gol: 0:1 – 52, penalti de Paul.
«Kalyari» — «Sassuolo» 1:1

Gollar: 1:0 – 75 Joao Pedro, 1:1 – 90+5 Boga.